“ عجبتني فكرة ربط كل اللي ينفع الشخص في مكان واحد ،أي واحد قبل ما يفكر في أي شي تاني لازم يفكر كيف يستعيد توازن نفسه،دي أول خطوة نحو التغيير تنتبه لنفسك ومشاعرك وتاخد الخطوات الصح المستدامة ودا اللي هيعمل الفرق الدائم و رويداً رويداً. ”

عجبني أنه المجتمع كله بيبحث كيف يكون مرتاح في الوضع اللي هو فيه الآن مش بتوقعات مستقبلية ولا ندم على الماضي ، أنا الآن في هذه اللحظة كيف أكون مبسوط ومرتاح و مستمتع ، صدقني أنا كنت مقتنعة وعارفة كل المعلومات ، بس ما كانت تتطبق كأني بشرب موية ولسا عطشانة، بس كان في trick وكنت دايماً أسأل نفسي ايش الغلط؟

كنت داخله عشان الوزن بس المجتمع فهمني كيف ارتباط الوزن و المشاعر مع اني كنت معارضة للفكرة بس فهمت كيف وايش العلاقة والرابط بينهم، لمست نفسي من جوا أول شي عرفت بعدها كيف أتعامل مع اللي قاعد يصير قدامي مع اللي أبغاه مو مع اللي لازم أسويه، حتى في الأكل مافي تأنيب ولا استهتار وصلت لاتزان ممتع، كنت ما أسمع صوتي الداخلي وأغطيه بصوت العقل، كنت أطمس شخصيتي والأشياء اللي أحبها، كنت إذا خربت الدايت أعاقب نفسي دحين صرت أسمع صوت مشاعري وآكل بوعي، الآن صرت مستمتعة بالرحلة بكل تفاصيلها، في المجتمع حسيت أننا عائلة وما حسيت انكم مجبرين تعطونا معلومات انتوا فعلًا حسستونا بالأمان والحب والعطاء.

كنت ما أعرف أوصف مشاعري وكنت أخاف دخلت معاكم مني حاطه أي توقعات بس انتوا لمستوا روحي، علاقتي مع أقرب شخص ليا كانت أصعب علاقة وعرفت بعدين كيف أتعامل صح مع مشاعري، كنت داخلة عشان أغير وزني لكن شفت جوانب كثير في حياتي، علاقتي مع نفسي أبدًا ما كنت أفهمها لكن صرت أفهم نفسي وكيف أتعامل مع مشاعري صح.